اول قصة من تأليفي ((الطريق المجهول))

[مجموعةإنسآنـ]

السلام عليكم ورحمة الله

الجزء الاول

هذه أول قصة لي أضعها بين أيديكم عدة أجزاء والقصة أحداثها هي أنه في عام 1398هـ في الأحساء كان هناك رجل عطار يقال له أبو صالح وكانت أسرته متكونة من زوجته وأبنائه : صالح ومها وأمل البنت الصغرى وفي يوم من الأيام دخل رجل على أبو صالح وقال له:
السلام عليكم طويل العمر
وعليكم السلام
أنت العم أبو صالح
إيه يا ولدي آمر
والله ياعمي أنا رجال على باب الله أدور على عمل وأهل الخير دلوني عليك
أبو صالح: والله يا ولدي أنا عندي عمال في المحل وقائمين بشغلهم
الغريب: إيه مشكور يا عمي
أبو صالح: اصبر يا ولدي أنت من دلك علي ؟ وما عرفتني بنفسك
الغريب: والله يا عمي أنا محسوبك سعود كنت شغال في محل عطاره وراعيه عطاك عمره واولاده بعد كذا غيروا المحل إلى محل خام وتركت العمل لأني ماافهم في شغلتهم
أبو صالح: شينقاله إلي كنت شغال عنه رحمة الله عليه
سعود: ينقاله أبو عبد الرحمن
أبو عبدا لرحمن الله المستعان اشهد بالله انه كان أجودي رحمة الله عليه
لكن إذا ودك تشتغل بس عامل خدمه أنا ما عندي مانع إذا موافق تقدر تشتغل من الآن
إيه بس أنا غريب ومااعرف الديره عدل
أبو صالح: من هالناحيه لاتحاتي فرجينا صغير وبسرعة يندل ها شقلت ؟
على بركة الله يا عمي
ونعم بالله أجل أنا بحسب يوميتك من اليوم اجلس وريني همتك وبالمرة تتعرف على الزباين و من بكره أبيك بعد صلاة الفجر على طول تكون موجود في المحل
سعود: ماشي يا عمي
شوي إلا أمل جايه المحل
قوى يوبه
هلا ببنتي ها شعندك جايه
أمل: أمي دزتني اقولك ان ناقصنا أغراض للغداء
وتقول انه ودها بسميكات
أبو صالح ههههههههههه
خير يا بنيتي أرسل معك مساعد للبيت وتقوله أمك عن الناقص لجل يجيبه لكم
أمل أنزين
يا مساعد مساعد
عبد الرزاق يرد على عمه وهو صبي في المحل:
عمي مساعد راح يجيب لنا نواقص للمحل
أبو صالح طيب طيب خلاص
أنا بروح البيت اشوف شنو ناقص وارجع وهذا سعود بيشتغل معنا من اليوم خله يساعدك وبالمره يتعلم على طريقة عملنا على البضاعة وأماكنها
سعود ابشر ياعمي
أمل: تسرح للحظات سعود من هذا شكله صبي جديد بس شكله مو شكل صبي
أبو صالح : أمل أمل أموووووووول
ها هلا يوبه
علامك ماتسمعين وين سارحة
ها لا أبد وهي تبتسم
وراح أبو صالح مع أمل للبيت
وجلس سعود في المحل واخذ يتكلم مع عبد الرزاق ويتعرف على المحل والبضائع ومكانها
إلا بيدخلها مساعد
السلام عليكم
وعليكم السلام
يالله يا عبد الرزاق نزل معي الأغراض
إلا صج هذا منهو
هلا اخوي مساعد أنا أخوك سعود صبي جديد في المحل
مساعد صبي جديد يعني عمي ما قال إنه محتاج صبي جديد
وبعدين المحل مو محتاج يادوب الشغل على قدنا بس دام هذي رغبته هو أدرى بحلاله
عموما حياك وعلى كذا يا لله يدك بيدنا انّزل الأغراض
سعود أي ابشر على بركة الله
أما أمل يوم ارجعت مع أبوها للبيت ادخلت الغرفة وجلست اتفكر إلا بدخلة مها عليها وتكلمها والبنت سرحانه
وشوي إلا تصرخ فيها أموووووووووووووووووووووووووووووول
ها نعم نعم شنو فيك
مها: أنا إللي شنو فيني ولا أنتي إللي صاير لي ساعة أكلمك ولا انتي معاي شنو ماخذ عقلك يامال الضربه
أمل : الله الله يا مهاوي شفت صبي اليوم عند ابوي اسمه سعود لو اتشوفينه تقولين أمير شنو رزه ووسامه وخلاق وا.......
أموووووووووول استحي على وجهك لا أروح أعلم أمي بكلامك هذا
أمل : لالالالالالالالالالالا الله يعافيك لا تقولين لها وبعدين انتي مو قلتي شنو فيني علمتك
مها : لا جد وكل هذا عرفتيه من نظره وحده
امل : إيه والله من نظره وحده تحسين شذيه لو اشوفينه كان ما تلوميني
مها : هههههههههه تصدقين حمستيني إني أشوفه بروح أشوف أمي إذا مو ناقصها خبز ولا شي لجل اتعلث واروح لبوي المحل لجل اشوف إللي ماخذ عقلك
ههههههههههههههههههههههههههههههههههه هههههه
امل: ههههههههههههههه حسبي الله على سوالفك أقول قومي بس خل انروح لأمي لا تفضحنا يالله
ومرت أيام وأسابيع وشهور على هذا الحال وكل مال سعود يبين همته وشطارته في الشغله أكثر وأكثر وصار مساعد يحس بالغيرة لان سعود بدأ ياخذ مكانه وياكل الجو شوي شوي عليه صارا أقرب لبو صالح منه
وفي يوم من الأيام جا أبو علي يطلب دواء لألم ملازمه في عيونه وكان مساعد اللي في وجهه وقاله مساعد
إيه بسيطة الآن أعطيك وصفه وخلال أسبوع إلا أنت مثل الصقر
وراح يجيب الوصفة إلا سعود تو طالع من المستودع
وشافه هلا عمي بوعلي خير شنو تشكي شكلك تعبان والا امساعد جايب له الوصفة
سأله سعود شنو فيه أبو علي قاله انه يشتكي من اعيونه وجبت له الوصفة هذي
طالع سعود في الوصفة قاله بس هذي ما تناسب حالته
مساعد: يعني شنو أنا ماافهم وأنا شغال في العطارة سنين وبنين
سعود: أنا ما قلت ما تفهم أنا أقول الرجال عنده التهاب في البياض والوصفه هذي بتزيد الالتهاب عليه وماتناسبه
مساعد: الظاهر إنك نسيت من أنت ومن إحنا يا سعود إحنا الشغله ذي شغلتنا وأنت توك مالك في القصر إلا من أمس العصر جاي تعلمنا شغلنا
عبدا لرزاق: يا جماعه صلوا على النبي الموضوع ما يحتاج
سعود: عليه الصلاة والسلام
مساعد: شلون ما يحتاج منت شايفه شلون يتكلم كنه المعزب وأنا صبي عنده
سعود: يا مساعد رجاءً احترم نفسك وثمن كلامك أنا ماغلطت عليك ولا قللت من مكانتك
إلا أبو صالح داش المحل
ها علامكم صوتكم واصل السوق كله شسالفه
أبو علي: ابد طلبت علاج لعيوني و مساعد جاب لي وصفه وسعود يقول ماتناسب ومسكوا ابعضهم وأنا إلي ضايع بالطوشه
أبو صالح: مساعد عطني الوصفة أشوف
كشف عليه أبو صالح وشاف ان الوصفة بتأثر على الالتهاب
طالع سعود وقال له شنو الوصفة إلي بجيبها له
وجاب سعود الوصفة الثانية ولقاها الأنسب لحالة أبو علي
طالع أبو صالح في أبو علي وقاله شوف يابوي أنت روح الحين وتعال بعد نص ساعة
عبال ما احضر لك وصفه جديدة أقوى واسرع من الوصفات هذي وانسب لحالتك
قال أبوعلي خلاص اجل برجع بعد نص ساعة
وجلس أبو صالح وشان ينادي
يا سعود مساعد تعالوا أشوف
انتو ما تستحون رجاجيل تتهاوشون قدام العالم اشكره لجل وصفه
سعود: أنا آسف يا عمي والله أنا كان قصدي منفعة الرجال
مساعد : نقطنا بسكوتك في الأخير طلعت وصفتك بضيع الرجل لولا عمي جا في الوقت المناسب
أبوصالح: لا غلطان يا مساعد وصفة سعود صحيحة بس ما بغيت إني أفشلك وانزل من قدرك قدام أبوعلي شوفوا عاد والكلام هذا للكل من اليوم ورايح سعود هو المسؤول الأول في المحل وينوب عني في غيابي
سعود: يا عمي أنت الخير والبركة والله يديمك فوق روسنا
أبو صالح: امسك يا سعود هذي نسخة لمفتاح المحل من اليوم ورايح أنت المسؤول عن كل صغيرة وكبيرة في المحل وأنت المسؤول عن فتح وتقفيل المحل وعن النواقص إللي فيه وعن دخل المحل
سعود: هذي ثقة اعتز فيها والله يقدرني عليها واني أكون عند حسن ظنك
والا أبو علي داخل عليهم ها يا بو صالح اخلصت الوصفة
أبو صالح إيه يا سعود هات الوصفة العمك أبو علي
سعود ابشر ها ياعمي هاذي الوصفة وطريقة استخدامها الله يسلمك هذي قبل لا تنام تنقعها ويشرح الوصف حتى قال له وتستمر كل يوم الصبح وفي الليل قبل النوم وإن شاء الله مالك إلا العافية
أبو علي: مشكور يا ولدي وحاسب الرجال وطلع
مساعد كان يطالع والغل والحقد ملك قلبه ويقول أنا أوريك إما انتقمت منك مااكون مساعد
طبعا كان مساعد صديق لصالح غير إنه ولد خالته وفكر يستغل الشي هذا الصالحة

[مجموعةإنسآنـ]

فكر مساعد شلون يقدر يتخلص من سعود طبعا كانوا بعد ما يقفلون المحل يجتمعون في القهوه كل واحد وربعه وكان مساعد يلتقي في صالح كل يوم وفي نفس اليوم راح القهوه بدري وجلس ينتظر جية صالح على نار ويخطط كيف يعمل فيه مقلب إلا بجية صالح وسلم عليه وجلس ولاحظ إن مساعد مو على بعضه وسأله
صالح: مساعد سلامات كنك مضايق من شي
مساعد: قول من أشياء
صالح أف خير قولي مو رفيجك ولد خالتك شنو فيك ليكون أبوي مزعلك في شي
مساعد أبوك أبوك مسكين على نياته البلا في ها اللي اسمه سعود
صالح: سعود شنو مسوي
مساعد: سعود أكل عقل أبوك لدرجه انه ماكمل كم شهر إلا مسكه الخيط والمخيط في المحل
صالح شلون سلمه الخيط والمخيط
مساعد إيه وإذا استمر على هالحال مو بعيد يكتب له المحل هذا داهية مكار تمسكن لحد ماتمكن والله العالم بكره شمخبي لنا
صالح :لا لاتبالغ وتكبر الموضوع بس الغريب شلون يثق فيه أبوي بالسرعه هذي وسلمه المحل بالسهوله ذي وبداه عليكم وانتو إللي عمر معه في المحل
مساعد: لا تلومني لا شفتني مقهور
صالح: لا أنا لابد أتكلم مع أبوي في الموضوع هذا
مساعد: لا لا لا لا000لاتكلمه بشي لأن مهما كلمته ما راح يقتنع ولا راح يغير رأيه
اجل نسكت
لا بس إحنا نكشفه ونبين حقيقته لجل يعرف انه حيال ومو تكانه
اشلون
خل الموضوع هذا علي بس أهم شي أنت معاي
صالح: معاك
اجل اعتبر الموضوع منتهي
صالح: خير اجل من رخصتك أنا بروح البيت
مساعد: بدري تو الناس
صالح: بدري من عمرك بس بروح اشتري كم غرض وامر البيت
مساعد خير بس زى ما قلت لك الموضوع هذا سر بينا
صالح اعتمد ولا تشيل هم يا لله أنسلم عليك
وراح صالح: وهو يفكر في الكلام الي اسمعه عن مساعد وفكر في سعود ووصل البيت ودخل إلا خواته مع أبوهم جالسين
الأم: جيت في وقتك هذا الأكل الحين بحطه
صالح أكلوا انتو مالي نفس
مها: غريبه مو من عوايدك نفسك تنسد
صالح: ها ها ها تنكتين مع وجهك
الأب: صالح شفيك أختك اتغشمر معاك تعال وأنا أبوك اجلس جنبي
صالح ابشر
أبو صالح: إلا على الطاري بقولكم اليوم سالفه صارت في المحل وقام الأب يقول القصة كامله وزي ما قال مساعد الصالح إن سلم سعود الخيط والمخيط وقتها قال صالح:
بس مو ملاحظ انك استعجلت في تسليمه المحل يعني الرجال لحد الآن ما شفت أمانته من عدمها وبعدين لا نعرف من يكون ولا من ولده لجل نعرف إذا كفو ولا لا وبكره لو يبوق المحل ويهرب شلون أصيده ولا لا وفوق هذا شلون تحطه فوق مساعد ولد خالتي وهو من سنين شغال عندك وغير كذا منا وفينا وستر علينا ولا أظن بيداري محلك احد كثره ولا شرايك يا أمي
الأم: والله يا ولدي مدري شقولك بس أبوك أدرى مني ومنك في شغله
أمل: سعود رجال طيب ويخاف الله وأبوي ما حطه غير واثق انه أكيد يستاهل وشاف منه إللي يخليه يثق فيه
مساعد: وانتي شنو عرفك فيه ولا شنو دراك فيه لجل تتحشين عنه
أمل: من كلام أبوي عنه وعن الباقي
الأب: وهي صاجه وغير كذا الرجال نفسه عفيفة وشكله شارب الصنعه من أب إلى جد وغير كذا مواظب على صلاته ويخاف الله وفوق هذا سعود متمكن من الشغله عدل وهذي الثقة ماجات غير من ثقتي انه قادر يراعي المحل في حاجات العالم كل شخص بما يلزمه من حاجه وأنا ما أعيب في أمانة مساعد بس مو شارب الصنعه
صالح يكلم نفسه والله كلامك صحيح يا مساعد هذا ماكل عقل أبوي بقوه
ويرد على أبوه: عموما أنت ادرى بس أنا اقولك يا خوفي بكره يتضح عكس إللي أنت ظانه
وبعد كم يوم من السالفة هذي جاء رجال غريب من الحي قبل صلاة الظهر يطلب علاج الألم في بطنه يجي ويروح من وقت للثاني وقام سعود عطاه العلاج وقاله طريقة الاستخدام وحاسب أبو صالح وراح وبعد صلاة العصر
وهم جالسين إلا الرجال جاي وبطنه منتفخ يولول ويصيح من بطنه طالع فيه أبو صالح وقاله سلامات شفيك ؟
قال: أنا إللي جيت اليوم وعطيتوني وصفه لابارك الله فيها من وصفه من أخذتها وأنا أحس مثل السكاكين في بطني وبطني وانتفخ علي والحين أنا على هالحال حسبي الله ونعم الوكيل
سعود ما يصير يا يبه الوصفة إللي عطيتك اياها مستحيل تسوي إللي أنت تقوله لأن هذي عبارة عن ملينات من أعشاب معينه لو مافادت مستحيل أضرك
الرجال وهو يصيح بأعلى صوته يعني أنا أتبلى عليك أنت ماتخاف الله في عباده
طبعا الناس التمت على المحل من صوت الصراخ
أبو صالح التفت عليه وقاله الوصفة معك
الغريب إيه وهذي اهي
طالع فيه ابو صالح ولقاها وصفه من الوصفات الضارة
التفت على سعود وقاله هذي الوصفة إللي عطيته يا سعود
سعود: لا يا عمي هذي الوصفة غير إللي أنا عطيته
الرجال: اشلون اشهدوا يا عالم الرجال ينكر وصفته لي بالله بأي حال أنت تجلس هنا لجل تذبح العالم ولا لجل أجرب فيهم وبعد تنكر يا ليتك تقول على الأقل انك أخطيت لا فوق شينك قواية عينك آآآآآآآآآآآآآآآآآه يابطني
سعود يا رجال خاف الله هذي مو الوصفة إللي عطيتك
ابو صالح: سعود خلاص الموضوع لين هنا وكفاية
وأنت يا ولد الاجواد خذ ها لوصفه وبإذن الله ان ما بصيبك إلا كل خير
وحسابها واصل وطيب خاطره وطلع الرجال
مساعد يتفرج والفرحة الخبيثه في عيونه وشوي إلا يقول
يا لله يا عالم كل واحد يتوكل ويشوف أكل عيشه
والله يا سعود أنا خايف انك عطيته الوصفة بالخطأ بدون ما تدري
ابو صالح: مساعد الموضوع أنا قلت انتهى خلاص وأنت يا سعود أبيك تجيني بعد صلاة العشاء البيت
حاضر ياعمي
وظل سعود مضايق الين ما قفل المحل وبعد صلاة العشاء راح بيت ابو صالح حسب الموعد
ودق الباب طق طق طق طق طق

[مجموعةإنسآنـ]

إلا أمل ترد: مين عند الباب
أنا سعود بغيت عمي بوصالح
وترد عليه سعود أي سعود
سعود اللي شغال في محل ابوك
ايه بس ابوي مو موجود
متأكده لان هو مواعدني أجي البيت بعد الصلاة
إيه متأكده شنو يعني بكذب عليك
لا محشومه بس قلت يمكن دخل وانتي ما انتبهتي
لا متأكده بس يمكن انه جاي في الطريق إذا حاب تنتظر انتظر عند الباب
اجل بنتظر عند الباب شوي بس اذا ماعليك امر بغيت شربة ماي
ايه ابشر
وتطل من الباب ونص وجها باين والا بلمحة سعود لها وقتها انفجر في قلبه بركان يفجر كل معاني العاطفة وقتها قال في نفسه سبحان من خلقك وسواك وعيونه كانت تلمع مثل النجوم وهي ظلت تطالع فيه وهي سارحة وماده الماي بيدها كانت النظرة هذي بداية شرارة حب من الطرفين سخرها الله لهم لحكمة كاتبها
وقتها نطق سعود وقال:


سمعت عن الغرام إللي بالقلوب لكني ما قـد عرفته *** غيـر من نظـرة عيونك روتني طبايبه
سبحان من خلاك امل ومن صور جمالك إلي شفته *** تملـكني وشعـل فـيني الشـوق ولاهـايبه
لو وصفتك أكيد الناس بيحسدوني لاعرفوا إني لحته *** مادرو إنها خذت همي واحزاني الرايبه


وأمل مبهورة من الكلام وطالع بكل هيام وغرام وهو قلبه اشتعل فتيله وقف مكانه ولا يدري ويش الحيلة وبين هاللحظه القصيرة إللي خذت منهم سنين طويلة في عالم الغرام طاح كاس الماي منها وقالها يفداك وماقدرت تتكلم بكلمه وقفلت الباب وسندت وراا الباب مهوسه وتقول آآآآه قلبي بيوقف ياربي شنو هذا اللي انا حاسه فيه وسعود مو مصدق احساسه الا سمعوا كحة من بعيد كح كح كح

سعود يلتفت إلا ابو صالح في وجهه
هلا سعود ما عليه تأخرت اشوي عليك
لا عمي ابد
ابو صالح حياك يا ولدي
يفتح الباب درب يا بنات معي ضيف
ويدخل ومعه سعود
طبعاً أمل راحت تركض الين المطبخ أطالع الا مها جالسه تجهز للعشاء
وقالت لها شفيك وترد أمل
سعود سعود سعود
مها ههههههههههههههه
اشوف خلني اطالع هالسعود
وطلو عليه من دريشة المطبخ
مها: حسبي الله عليك هذا وين لقيتيه
امل: هههههههههه شنو هو طايح في السكه
ههههههههههه
بس تصدقين أموووول والله رزه
أمل: ايه اجل شلون هاذا سعود
اقول سكتي لا يسمعك احد تدرين تو كلمته عند الباب
صج وشقالك
أمل: لو اقولك شنو قالي بغيت أطيح بمكاني من كلامه يا قلبي يا قلبي يا قلبي آآآآآآآآآآآآآآآآآآآآآه
امووووووول ويهد امشي لا يسمعنا أحد انبرز القهوه والشاهي يالله
وبعد ما قام ابو صالح بحق الضيافة اسأله وقاله:
شوف يا سعود يعلم الله إني اعتبرك مثل ولدي وثقتي فيك كبيرة واللي صار اليوم حتى لو غلطه وماني راضي عنها رغم إني اشك أنها تكون غلطه لأن أنا جربتك بأشياء اكبر من هالناحية بس أبيك أنت تفسر لي شلون صار إلي صار
سعود: يا عمي صدقني مدري بس أنا متأكد من الوصفة بس الوصفة إلي جابها الرجال مو نفس إللي عطيته والله مو عارف شقولك بس غير حسبي الله ونعم الوكيل عموما يا عمي شوف إلي تبيه وأنت فصل وأنا البس
ابو صالح: أنا ما بي غير اعرف الحقيقة الموضوع في وراه إن؟؟ الرجال هذا مدزوز بس من له مصلحه انه يشوش علينا عموما لازم اعرفه أنت اليوم عشاك عندي لجل يكون بينا عيش وملح ولا ما ودك تاكل في بيتي هههههههههههههههههههه
سعود: ههههههههههههههه لا يعمي والله هذا شرف لي
ابو صالح: اجل أنا بروح أخليهم يجهزون الأكل
ورجع ابو صالح وشاف سعود سرحان
كان يقوله شتفكر فيه ليكون في إللي صار اليوم اعتبره انتهى

سعود لا ياعمي بس كنت أفكر في شي شاغل بالي
طبعا كان يفكر في امل وحاول يغير الموضوع وقال:

صج عمي أنا صاير لي مدة اشتغل معك ماقد شفت احد من قرايبك زارك المحل او جاك البيت أنت مالك احد ياعمي من اهلك يزورك
ابو صالح: إيه يا ولدي فتحت علي المواجع
شوف وأنا عمك على أيام الوالد رحمة الله عليه كنت أنا واخوي عبدالعزيز شغالين مع أبونا في محل العطارة وبعد ماتوفى الوالد اختلفنا أنا كنت أبي المحل يستمر وهو ويا أختي كانوا يبون يبيعون المحل وسافروا الدمام لان زوجها مشارك واحد في محل هناك وتجارته صار مكسبها أكثر وقلت مافي غير إني اشتري نصيبهم بعد ما تسلفت مبالغ على راسي كانت صعبه وكبيرة وبعد ما باعوا نصيبهم لي سافروا إلى الدمام واستقروا هناك اخوي وأختي وزوجها إلا هو في الأساس ولد عمنا ومن يومهم ما زاروني ولا سألوا عني رغم إني رحت مرتين وزرتهم لكن للأسف حسيت إني مرفوض منهم رغم إني أخوهم الكبير بس من أم ثانيه ومن بعدها قررت إني لا أروح ولا اجيهم وبعد سنه وكم شهر جاني خبر ان اخوي عبد العزيز بيتزوج قلت فرصه احضر زواجه كود المناسبة ذي تغير النفوس ويوم رحت له حسيت انه مستعر مني وسحبني على جنب وقالي بالحرف الواحد

أنت ليه جاي مو كفاية انك خذت محل ابوي برخص التراب وضحكت علينا بالسعر وتركنا لك البلد ليه جاي ورانا ؟
رديت وقلت له: إللي جابني الدم إللي في عروقي واسم ابوي إللي بينا والاخوه إللي تجمعنا

رد وقال: ابوي مات وأنت بنظري مت معه ولا أبي أشوفك مره ثانيه ولو سمحت وجودك غير مرغوب فيه

ومن وقتها وأنا اعتبر نفسي يتيم الأب والأم والأخ والأخت وضاقت بي الدنيا وكان للوالد رحمة الله عليه صديق ساعدني كثير في محنتي ومع الوقت تزوجت بنته وربي أكرمني بصالح وبعدها مها و أمل وفتحها في وجهي لحد ما صرت على هالحال والحمد لله رب العالمين

وصالح مثل منت عارف الآن موظف في البلدية ومها كلها كم شهر ويجي ولد خالها ونتمم زواجهم لإن خطبتهم طولت بسبب سفرته إلى الرياض يقولون في معهد للمدرسين راح لجل يتخرج منه مدرس لأنه يحب التعليم والعلم وأمل نستنا الين عاد مايجيها ولد الحلال والله يعينه عليها هههههههههههههههههههههههه
سعود ههههههههههههههه شدعوه ياعمي إللي زيك الواحد يتشرف انه يناسبك أنت رجال الكل يشهد لك في تقواك وأكيد عيالك من نهجك بس والله قصة إخوانك مره غريبة وعجيبة للدرجه ذي الفلوس ممكن تفرق بين الاخوان

ابو صالح: مو كل الناس إللي معدنهم ضعيف أو غاوية اعيونه وقلبه الدنيا
وانت يا ولدي ما قلتي عن اهلك شي
والله ياعمي أنا قصتي
إلا الباب يدق
طق طق طق
وأمل تنادي الأكل جاهز

وقام ابو صالح يجيب الأكل وبعده وفي نص الأكل إلا صالح داش
السلام عليكم وردو عليه
وعليكم السلام حياك يابوك حط يدك معنا وسم بسم الله
لا لا تعشيت مع ربعي بمطعم أنا استأذنكم شوي تعبان بروح أنام إلا صج سعود انت عطيت واحد وصفه كان بيموت فيها
سعود يطالع ومو قادر يتكلم رد أبوه الموضوع هذا انتهى خلاص يا صالح
إيه يا يبه بس لازم ينتبه بكره لو تكرر نفس الخطأ محد بيثق في معاملاتنا والعطار راس ماله سمعته ولا لا يا سعود
سعود: عدل كلامك وقام سعود،، أكرمك الله ياعمي اسمحلي أنا استأذن الوقت سرقنا وطولت في القعدة

ابو صالح: والله هذا مو أكلك ولا هذا قدرك وجلستك ما تنمل والبيت بيتك في أي وقت إذا ناقصك شئ لا يردك غير السانك وإن شاء الله نتقابل بكره الفجر في المسجد ونروح نفتح المحل سوا وربك يسهل الأمر
سعود ربك يكتب مافيه الخير يالله أترخص
إيه حياك يا ولدي غسل يدك واشرب استكانة شاي وتوكل
لا يعمي أنا مااحب اشرب شاي بعد العشاء بس اغسل يدي إذا ما عليك أمر صالح اتشوف لي درب ؟ إيه وليش لا حيااااااااااك منا
درب درب
وراح غسل وسلم وقام بالشكر لعمه وبطلعته لمح أمل واقفه عند باب المطبخ وطالع فيها بابتسامه شغلت فكرها ومن طلع الين وصل بيته وهو يفكر في كل إلي صار له اليوم من الصبح الين طلعته ونظرة أمل يوم وصل عند باب بيته وكان يفكر ويفكر ويفكر لحد ما قرر قرار مهم ؟؟؟؟؟

في ها الوقت دخل أبو صالح المقلط وقال الصالح:
أنت ما تستحي على وجهك الرجال ضيف أبيتنا وتروح تقوله ها لكلام وتسد نفسه حتى قام ولا كمل لقمته موعيب عليك شنو يقول عنا الحين ما نعرف أنقدر الضيف في بيتنا
صالح: يا يبه انا بس حبيت اذكره ان إحنا عايشين على الله ثم على سمعة هالمحل وسمعتنا هي مصدر رزقنا ومو كل مره تسلم الجره وعموما أنا آسف وحقك علي وهذا راسك أبوسه
الله يهديك يا صالح يابوك في أصول لابد ان ما نتعداها أتمنى إللي حصل ما يتكرر مره ثانية
صالح: ابشر ابشر ولا يصر خاطرك إلا طيب
ودخل كل واحد غرفته ينام

وأمل جالسه على السرير تفكر وتحلم وتتخيل وعايشه في عالم ثاني ونامت والابتسامة على وجهها وهي تحلم بأحلام ورديه

في الصباح جاء عبد الرزاق المحل وشاف الباب مفتوح ويدخل إلا شاف الخزنة مفتوحة ولا فيها ولا شي و مساعد جاي وراه يوم شافوا إللي شافوه طلب مساعد انه يروح للعم أبوصالح لجل يجي في الحال إلا أبو صالح بكبره فوق رأسهم عند المحل ها شفيكم والا يشوف التجوري مفتوح والمحل نص البضائع مقطوطه في الأرض ؟؟؟؟؟؟؟؟

وكان سعود مو موجود ومحد شافه طلب أبو صالح من عبد الرزاق يروح البيت ويشوفه بسرعة وبعد فترة رجع وقال له
البيت مافيه احد والجيران قالوا ان محد شافه من أمس
قال مساعد معقولة يكون سرق المحل أكيد سرقه لأن الباب مفتوح بمفتاح مو مكسور ومحد عنده المفتاح غيرك وغيره هذا إللي كنت أنا خايف منه وجلس العم أبو صالح شبه مهزوز ومنهار مو مصدق إللي صاير يصدق ولا يكذب وطلب
مساعد: انا بروح للعسكر ابلغ بالسرقة وقتها أبو صالح فكره كان شبه مشلول مو عارف يفكر لان فعلا اشلون الباب مفتوح ومحد عنده مفتاح غيري أنا وسعود وليه سعود ما جا يصلي الفجر وين اختفى كل هذا يدل على انه هو إللي سرق المحل بس أخلاقه وطباعه غير كذا أنا مستحيل نظرتي تخوني في الناس والتفت على مساعد وقاله أتصرف أنا تعبان ومو قادر أتحرك وجا بقوم وطاح غشيان في المحل وقتها الدنيا قامت وقعدت شوي مع زحمة العالم إلا العسكر إللي يتجولون في السوق جايين المهم وقتها مساعد طلب منهم يظلوا عند المحل مع عبد الرزاق وهو يعلمهم السالفة عبال ما يودون عمهم البيت مع أهل الخير من شباب السوق وفعلا شالوا العم أبو صالح للبيت ودخلوه لداره وطلعوا ما عاد مساعد طبعا لان أم صالح اتصير خالته وراح يداريه ويشوف حالته طبعا فوق تعبه من صدمته في سعود صدمته في حلاله هم كبير أما عبد الرزاق فقام يعلمهم بالسالفة كلها العسكر بلغ المركز وجا المحقق بدر واستجوب عبد الرزاق عن كل شي وكل صغيرة وكبيرة واعملوا محضر خاصة انه هو أول من وصل المحل وسجلوا السرقة باسم سعود كمشتبه أول لحد ما يكتمل التحقيق لان كل الشواهد تدينه وبصراحه الكل كان مصدوم فيه ؟؟؟؟؟؟؟؟؟؟؟؟

تتوقعون ليه سعود عمل كذا ومن يكون

هذا إللي راح نعرفه في الجزء الثاني

أتمنى إني أعرف رأيكم بصراحه أكمل

ولا القصة ما تستحق التعب هذا كله

[ورقة بلوت]

حلوه القصه مانت بهين يامجموعه انسان
يعطيك الف عافيه على القصه الجميله

[احلى وحدة]

يعطيك العافيه على القصه بس تعبت وانا اقراها؟؟؟؟؟

[نور القمر]

... قصة حلوة عن جد .. وفيها تشويق واثارة بعد ..smilies 65

وانا واثقة ان بقيتها بتكون افضل ..smilies 33

اقول مجموعة .. ما فكرت تمثل القصة وتختارني من ضمن الممثلين وتوزع الادوار smilies 42

يعطيك العافية عليها

تحياتي

[احساس مرهف]

يعطيك العافية من جد قصة ممتعة وشيقة
وعلى فكرة مو باين انها بداية قصصك
هههههههههههههه
انا وحده شوقتني لباقي اجزائها لا تتاخر علينا
ننتظر الجزء الجديد
سلام

[محبوبة الملايين]

ماشاء الله ذا كله جزء اول


خخخخخخخخخخخخخخخخخ


حفظتها عندي اقرها على رواق


تسلم مجمج

[الابداع الحر]

smilies 78 مجموعة إنســـان







وربي رفعت ضغطي smilies 53







مالي شغل ابي اعــــــــــرف سعود هل هو الي ســـــرق المحل ولا...؟؟؟







لالالالا تحـــــاول








ولا كلمه













مالي شغـــــل














اكره شيء عندي الأنتظــار










ياخي تحمست معى القصه ماحسيت الى وانا اقــرأ ترقبوا الجزء الثاني....







<< --< يبغى يبكي smilies 79








تصـــدق اخوي مجموعه أنــا ما احــــب القصص ....












لكــــن القصه هاذي وربــي ابـــــداع X ابــــــداع









ياخي تكـــــــــــــفى متى الجــــــــزء الثــــاني







أرجــــــــوك أرجـــــــــوك








<< --< تحس مدمن



خخخخخخخخخخخخ







بليـــــــــــز بليـــــــــــــز







لاتعلقـــــنا





قــلي الجــزء الثــاني جــاهز ولا بـــاقي بتكتبـــه smilies 72









ترى نستنــــا الجزء الثــــــاني يالحبيب smilies 30







مشكور وماقصرت



والله يخليك يابو شنب




بس لا تطول تكفى




هههههههههههههههههههههههه












م

[Ṃ̶̮Ṩ.sσσм]

ماااقول غير يعطيك الف الف الف عافيه

وربي تجنن ويالله نبي تكملت القصه

بسررررعه لا تبطي

smilies 99 smilies 99 smilies 99 smilies 99

ترى اتجنن smilies 78 smilies 78 smilies 78

[يــــــارا]

والله يامجمووووووووعه

تجنننننننننننننن روووووووووعه تهببببببببببببببل

لوسمحت الجزء التاني باسررررررررررع مايمكن

بجد والله

بموت واعرف الباقي

مشكووووووووووووور

والله بجد ابدااااااااااااااااااااع

يسلمووووووووووووووووووووووو

[أســ الحب ــير]

smilies 33 smilies 33

هههههههههههههههههههه

منت بسهل يا ولد

ههههههههههههههههه

حلوووووووووه صراااااحه

الله يعطيك العافيه

وننتظر الجزء الثاني

smilies 99

[مجموعةإنسآنـ]

هلا فيك اخوي


ورقة بلوت


وشاكر لك تواصلك

[مجموعةإنسآنـ]

هلا فيك اختي


احلى وحدة


وشاكر لك تواصلك

[مجموعةإنسآنـ]

هلا فيك اختي


نور القمر


وشاكر لك تواصلك

[مجموعةإنسآنـ]

هلا فيك اختي


احساس مرهف


وشاكر لك تواصلك

[مجموعةإنسآنـ]

هلا فيك اختي


محبوبة الملايين


وشاكر لك تواصلك

[مجموعةإنسآنـ]

هلا فيك اخوي


al7rr


وشاكر لك تواصلك

[مجموعةإنسآنـ]

هلا فيك اختي


الباسلة


وشاكر لك تواصلك

[مجموعةإنسآنـ]

هلا فيك اختي


يــــــارا


وشاكر لك تواصلك

[مجموعةإنسآنـ]

هلا فيك اخوي


أســ الحب ــير


وشاكر لك تواصلك

[مجموعةإنسآنـ]

الطريق المجهول الجزء الثاني


بعد ما تطمن مساعد على حالة العم أبو صالح راح للمحل يتابع موضوع السرقة وفي هذي الفترة جلس أبو صالح وكان بس يون ويتنهد آآآآآآآآآآآآآآآآه آآآآآآآآآآآآآآآآه
مها: شفيك يبه شنو يوجعك وقامت باست يده وراسه وقالت له احنا كلنا فداك لا تشيل هم أي شي وأما أمل كانت ماسكه يده اليسار وتقرا قرآن وتبكي بصمت ودخلت أم صالح ومعها شوية يانسون وقالت خذ واشرب وان شاء الله معافا وإذا حاس انك تعبان اكلم صالح أو مساعد بس أنت لا تشيل هم المحل بإذن الله إللي سرق المحل بينصاد وحلالك بيرجعلك وغير كذا الحمد لله الخير واجد وبإذن الله إللي راح يتعوض طبعاً مساعد ماقدر يقول شي عن سعود لأنه مو متأكد من شي بس كل إللي قاله إن المحل طلع مسروق وعمي من الصدمة طاح غشيان وماذكر ان سعود إللي سرق ولا لمح،،،
طالع العم بو صالح وقال آآآآآآآآآه يا سارة مو مصدق إني أكون للدرجه ذي إنسان ساذج وينقص علي بعد هالعمر كله
سارة: محشوم انت عقلك يوزن بلد وبعدين أنت شاك بحد يكون سارق المحل
العم أبوصالح رد على زوجته سارة وقال لها: أنا مو شاك بس كل الشواهد تدل على انه سعود إللي سرق المحل وهذا إللي بيجنني إني أكون فعلا انخدعت فيه
هنا أمل ارفعت رأسها مصدومة مو مصدقة ودها تصرخ وتقول لا مستحيل بس ما تبي تفضح نفسها قالت لبوها شقلت يبه سعود وليه وكيف وعلى أي أساس شكيتوا فيه
رد عليها يابوك المحل مفتوح بمفتاح مو مكسور ومحد عنده المفتاح غيري وغير سعود وسعود من طلعته أمس من عندي لحد الآن ما بين ولا حتى نام في بيته،
هنا أمل مقدرت تتحمل الصدمة اطلعت من الغرفة وهي شبه منهارة يوم تعدت اعتبت الباب ؟؟؟
راحت تركض على غرفتها وقطت نفسها على السرير تبكي بكل قهر وألم مو مصدقه ان الإنسان إللي كل معاني الرجولة والوفاء شافتها فيه يكون نصاب ومحتال وحرامي مو مقتنعة ان كل نظرة في عيونه تدل على الطيبة والعفه تكون تحتها غش وخاينه،
وشوي إلا مها وراها
إنتي شنو إللي سويتيه شلون تطلعين وتخلين أبوك وهو في الحالة هذي
أمل: مها سعود يا مها سعود
مها: إيه سعود سعود يا أمل إللي كلمتيني عليه وماخذ عقلك طلع حرامي ونصاب حمدي ربك ان الله اكشفه على حقيقته ولا كان
وتقاطعها أمل لا لا لا يا مها مستحيل سعود يكون هو إللي سرق مستحيل أكيد في الموضوع إن ؟؟؟؟
سعود برجولته وشهامته وأخلاقه ومواقفه إلي سمعناها من ابوى كل هذي تأكد انه إنسان عفيف نفس لا يا مها لا مستحيل مستحيل ودمعتها كانت مثل شلال النار تحرق القلب قبل الخد
مها لا حول ولا قوة إلا بالله الله العالم ان كان مظلوم ولا إحنا إللي انخدعنا فيه قومي غسلي وجهك وتعوذي من الشيطان ومشي مو حلوه في حقك تتركين أبوي وهو في الحالة هذي يالله أنا بسبقك ولحقيني و أتركي سعود الآن عنك وفكري في أبوك وحالته وطلعت وبعد شوي ألحقتها أمل وسط علامات استفهام كبيرة في البال 0

أما في المحل بعد ما خذو الشرطة كافة أمور التحقيق راحوا للمركز وطلبوا من العم أبو صالح إذا قام بالسلامه يراجعهم لجل يستوفون باقي المعلومات 0
و جلس عبد الرزاق ومساعد ومعهم كم واحد يرتبون المحل وكان في من جيرانهم المقربين
أبو علي الحلاق
أبو سلطان الخباز
أبو حمد راعي البقالة
وفي آخر صفة السوق في أبو خليل العطار بعيد شوي وهذا بينه و وبين اغلب التجار شبه قطاعه وخلافات كبيرة لأنه كان إنسان جشع وحقود وحسود وبالذات مع العم أبو صالح وفي الفترة ذي مر خليل ولده صورة طبق الأصل بالطباع من أبوه على المحل وكان إنسان شبه معتوه وراعي مشاكل ولقاها فرصه انه يروح يتشمت ويتحرش فيهم ووقف عند باب المحل وقال:
أف أف والله مشكله إذا لا صار حاميها حراميها قوى يا رجال بطريقه ساخرة
رد مساعد وكان بينهم مشاكل كثيرة ولا يتحمل يشوف وجهه وقاله والغضب يتملكه:
شوف يا خليلوه المحل هذا يتعذرك وتوكل على الله لا اخلي وجهك مثل هالبضاعه المكبوبة على الأرض
خليل: لا لا بجد خوفتني وفي الفترة ذي نقز مساعد وطب عليه ومسكه من صدره وكلمة من هذا و ذاك وتماسكوا مع بعض ادخلوا الموجودين وفككوهم من بعض وقتها قال خليل: هين يا مساعد الكلب انا أعلمك شلون تمد يدك على أسيادك
مساعد إللي ما توصله بيدك كمله برجلك يا ولد أبوك
راح خليل وثوبه مشقق المحل وشافه أبوه وقاله من مسوي فيك كذا قاله مساعد رد عليه يعني تعرض لك في الشارع
خليل أنا رحت لجل اتشمت فيهم بعد ما باقهم سعود
أبو خليل: وهم اثبتوا التهمه عليه
رد وأنا شدراني بس الكلام إللي وصلني يقول انه البايق
اجل دش داخل ولا أشوفك تروح عندهم لجل لا يركبونا حق وأنا بروح اشوف مساعد وعلمه حجمه وأنت انتبه على المحل لين أرد
طبعا في محل أبوعلي الحلاق فيه صديق مقرب لسعود اسمه فايز المهم فايز جلس يهدي مساعد وقاله: ياأخي شلك فيه كان فكيت نفسك من شره يعني ماتعرفة ولا تعرف مشاكله لا هو ولا أبوه
مساعد: شسوي قهرني
عبد الرزاق: يا جماعه بندو هالموضوع وخلونا أنكمل ترتيب لو يقوم عمي بو صالح إن شاء الله بالسلامة ويرجع المحل ويشوفه كذا بتصير مو حلوه في حقنا
مساعد: على قولتك ورجعوا وخلصوا ترتيب المحل إلا أبو خليل عند باب المحل يصرخ
مساعد مساعد
ويطلع خير
أنت كفو تمد يدك على خليل ما تدري ان شعره منه تسواك وتسو هلك بس والله لو أشوفك مره ثانيه تمد يدك عليه هذا أنا أقولها لك قدام الناس كلها أقص يدك قص سمعت
فايز مسك مساعد لجل لا يتهور ورد عليه عبد الرزاق يا أبو خليل إللي يبي يصون كرامته يصون كرامة غيره
أبو خليل: ما بقى إلا أنت يا ولد الدلالة تعلمني الأصول
عبد الرزق: صدق أمي دلاله ولا هو عيب بس جابت أرجال مو أعيال
أبو خليل من تقصد بالعيال
أنا مااقصد احد بس أنا أرد على كلامك
دخل العم أبو حمد وقال يا بو خليل تعوذ من الشيطان وتوكل وقل الولدك لا يتعدا على العالم لجل لا حد يتعدا عليه
وكون بعلمك ان عمايل ولدك لها حد ولازم تنتهي عنده والا قسم بجلال الله لا نعلقه لك من أذنه ونعلقك معه وأنت تعرفني زين قول وفعل ودام النفس طيبه عليك تيسر وشوف حالك وخل العالم بحالها يالله اشوف
قال أبو خليل: هين أنا ماشي بس لو تتعرض له وقتها دواك عندي يا راعي الوصفة المفبركة
مساعد وقتها نط شنو تقصد رد علي
أبو خليل ههههههههههههههه
اسأل عبيدان ههههههههههههههههههههههههههههههه

[مجموعةإنسآنـ]

مساعد أنصدم من الكلام وهنا عبد الرزاق وفايز ردوا على مساعد شيتحشى عنه
ها لا لا ولا شي خلونا أنكمل شغلنا
فايز: كفو ياعم ابوحمد زين سويت فيه هذوا لي ناس ما تمشي غير بالعين الحمرا الله يكفينا شرهم يالله يا جماعه أترخص بروح المحل
عبدالرزاق: إيه مشكور يا فايز وعساك على القوى أتعبناك معانا نتقابل بعد الظهر في القهوه
إيه ابشر وبعدين ما بينا كلافة وهذا حق وواجب الجيرة يالله أترخص وطلع والغريبة مساعد كان طول الوقت سرحان ويسأل شنو عرف أبو خليل بسالفة عبيدان والوصفة لا هذا الموضوع ما ينسكت عليه لازم أدور على عبيدان واعرف منه عند مين متكلم وشلون وصل الخبر هذا لبو خليل ولو طلع اهو لااقص السانة قص0
المهم أذن الظهر وكل شئ استمر بشكل طبيعي بس كانت الأسئلة تحوم على سرقة المحل وسعود
وفي البيت كان الوضع كما هو عليه حتى بعد ما جاء صالح وبعد ما اطمن على أبوه فكر يروح القهوه لجل يعرف السالفة من مساعد
وبالفعل راح ولقى مساعد مع فايز وأحمد ولد أبو حمد البقال جالسين سلم وجلس
وعرف الموضوع من أوله الين آخره وقتها قال:
يعني يكون سعود إللي سرق
رد فايز مستحيل حتى لو كل الشهود تدل عليه،،، أنا اعرفه زين وأكثر واحد فيكم ماشيته لا أخلاقه ولا عفة نفسه تخليه يسرق أو يفكر في السرقة خاصة ان عينه مليانه بالقناعة والرضاء
مساعد:
بصراحه مدري أنا بعد بين مكذب ومصدق
صالح: يا مساعد ابيك بكلمة راس عن إذنكم شوي
وقام مساعد ويا صالح وقاله: مساعد أنت قلت انك بدور طريقه تتخلص فيها من سعود عدل ولا لا رد علي أنت ورا هالسالفه ولا لا وأبيك تحلف بعيالك
مساعد: لا يا صالح أنا مهما كان تفكيري ما توصل للأمر هذا إني أعض اليد إللي تنمد لي بالخير وفضل عمي كبير علي أنت ناسي ان هو إللي ساعدني في زواجي وتكفل فيه يا صالح أنا يمكن اضر سعود بضرر نسبي بس ما توصل للسرقة هذي مضرتها على الكل وأنت عارف زين مو أنا اللي يخون العيش والملح وفوق هذا كله هو زوج خالتي ورباني من صغري وعطف علي بعد وفاة الوالد وربي يشهد علي ان مالي دخل بموضوع السرقة ولا اختفاء سعود وبالعكس أنا مو مصدق ان سعود هو إللي ورا هالسالفه وهذي كلمة حق لازم تنقال والله يلعن الشيطان على كل ما بدر مني تصدق إني أخطيت مره بس مو للدرجة إللي تتصورها
صالح: أخطيت في شنو
مساعد: لا تاخذ في بالك إلا عبد الرزاق جاي
ورجع مساعد مع صالح وقال صالح: يا جماعه الخير طيب لو مو سعود إللي سرق تتوقعون من إللي سرقه وشعرفه ان سعود عنده مفتاح المحل غير يعرف ان سعود شغال فيه وهو المسؤول عن فتح وتقفيل المحل ولا لا
هنا تكلم عبد الرزاق وقال: كلامك صحيح أنا مااحط بذمتي بس فاكر يا مساعد الرجال إللي جاي أمس وقال ان سعود عطاه وصفه بالخطأ
مساعد ها إيه شفيه
عبد الرزاق اعتقد له يد في الموضوع
مساعد: لا لا مو معقولة وهنا ارتبك مساعد وقال لهم أنا استأذن من رخصتكم تذكرت ان البيت موصيني على أغراض يالله أترخص فمان الله
طالع فيه فايز وقال له ها شفيه هذا كنه قام مثل المقروص
رد عبد الرزاق والله مدري الظاهر أم عياله متحلفه فيه ما يتأخر على البيت ولا تنومه في الشارع هههههههههههههههههههههههههههههه
هههههههههههه الله يقطع سوالفك يا مساعد
المهم ثاني يوم راح أبو صالح للشرطة وخذو بياناته ومعلوماته وصف لملامح سعود وعممه عليه بحكم انه مفقود ومشتبه فيه بجريمة سرقه.
ورجعت الحياة بشكلها المعتاد إلا عند أبو صالح وأمل ومساعد كل واحد كان مشغول بهم جوى نفسه مو راضي يقوله0
بو صالح لاحظ ان مساعد مو على بعضه أكثر من مره يحس ان مساعد ما يقدر يحط عينه في عين أبو صالح وهذا إللي خلاه بعد ثلاث أيام من السالفة يقوله عند تقفيل المحل مساعد أبيك تمرني البيت قبل ما تروح البيت؟
ها إيه خير ياعمي في شي
لا ماكو بس بغيت أستشيرك بشغله بعيد عن المحل
طيب طيب تامر ياعمي
وراح مساعد البيت أبو صالح على حسب الموعد ودخل وجلس عنده وقاله أبو صالح:
مساعد أبيك تقولي شنو فيك أنا ملاحظ انك مو على بعضك وكل ما حطيت عيني بعينك ترتبك وعينك تروح فوق وتحت ويسار ويمين وما بغيت أكلمك بالمحل قلت يمكن الموضوع خاص اشوي وعائلي وأنت مهما كنت ولدنا ومنا وفينا تكلم شنو فيك
مساعد وقتها ارتبك وقام يتصبب عرق وهذا الشي خلا أبو صالح يتأكد ان في وراه شي كبير وهنا بدأ يتأكد ان إحساسه في مكانه وقاله في شي مساعد علمك انقلب وجهك شنو إللي خاشه عني تكلم اشوف تعرف شي وما تبي تقولي ولا شنو سالفتك تكلم ولا تخاف تكلم
مساعد: ياعمي أنا أنا أنا والله مو عارف شقولك بس عطني الأمان
ها شكله الموضوع كبير وشايد قول شنو فيك
ولي الأمان
لك الأمان
والله ياعمي أنا مو عارف من وين ابدأ بس أبي منك السموحه أنا غلطت في حق سعود وشكله الغلطة ذي راح تجني علي
أبو صالح بحق سعود تكلم شسالفه تعرف شي عن سعود
مساعد لا لا بس أنا يوم حسيت إنه بياخذ مكاني في المحل وشفته قام يتقرب منك وبعد سالفة أبو علي الشيطان دخل قلبي وقام يحرضني عليه لين ما اتفقت مع واحد ينقاله عبيدان لجل يتبلا عليه وأنا إللي عطيته الوصفة يوم يجي قبل أربع أيام وبطنه منتفخ وقال ان وصفة اسعود السبب وأنا بجد ياعمي من وقتها وأنا ندمان بس إللي خوفني أكثر يوم قال عبد الرزاق انه شاك في عبيدان إن له صله بسرقة المحل خفت يقول إني أنا إللي أحرضه على السالفة القديمة وقتها مو بعيده يشكون فيني إني ورا السرقة لجل اتبلا على سعود في سرقة المحل لا عبد الرزاق يقول انه لاحظ ان كانت عينه تروح وتجي في المحل وبالذات الخزنه وأنا خايف إن يتورط في الموضوع هذا ومن وقتها والله لا عارف أنام ولا آكل وندمان على إللي صار ؟
أبو صالح: لاحول ولا قوة إلا بالله ليه يا مساعد يابوك الله يهدك من ناحيتي أنا مصدقك ومسامحك بس لو كان سعود ماله دخل في السرقة الأصول و المفروض تطلب منه السماح مو مني الله يسامح الجميع توكل على الله أنت ومن الناحية هاذي لا تشغل بالك
مساعد: مو ياعمي شكله عبيدان راح تكلم فيني عند أبو خليل
أبو خليل ليه شنو صار
وقاله موضوع هوشته من خليل وجية أبوه وتهديده والكلمة إللي في الأخير خل عبيدان يعلمك
أبو صالح: لا كذا الأمر ما يسر مساعد تقدر تجيب هذا إللي اسمه عبيدان
آآآآه ياعمي والله إني قالب الدنيا مدري وين أراضيه كل يوم في مكان غير لكن مرده بيطيح بيدي واعرف سالفته مع أبو خليل
وأنت تتوقع إن فعلا له صلة في سالفة السرقة
والله يا عمي مو بعيده وأنا بقلب الدنيا مره ثانيه لين أحصله وقتها بعرف منه كل شي
أبو صالح: هين الآن روح الزوجتك وعيالك ووسع صدر واللى الله كاتبه بصير.
يعني مو زعلان مني ياعمي
يا مساعد محد كامل غير وجه الله وخير الخطائين التوابون وأنت أخطيت وندمت وهذا بحد ذاته يشفع لك دامك قلت لي كل اللي عندك يالله روح الحين والله يسهل الامور0

[مجموعةإنسآنـ]

وبعد كم يوم جا تبليغ للمركز عن واحد تنطبق عليه المواصفات لقوه مرمي على طريق الري الزراعي من 3 أو 4 أيام وإنه في غيبوبة وانهم بلغو الشرطة من وقتها بس لأن مواصفات سعود انطبقت عليه تم تبليغ الضابط بدر لأنه ماسك قضيته وراح المحقق بدر لجل يشوفه وفعلا شاف إنه في شبه كبير بينه وبين مواصفات سعود والغريب إن يوم لقوه ما كان معه ولاشي في جيوبه تثبت شخصيته أو يقدرون يتعرفون عليه طبعا الضابط بدر رجع للمركز وطلب من العسكري يروح محل أبو صالح ويجيبه هو أو احد عماله للشرطة ضروري وبالفعل جا أبو صالح ومساعد معه وقالهم عن الرجال إللي في غيبوبة وانه طالب منهم يروحون للمستشفى لجل يتعرفون عليه وبالفعل راحوا ولما أوصلوا غرفته تعرفوا عليه وقال العم أبو صالح للضابط بدر:
هذا سعود بشحمه ولحمه طالع مساعد وقال هذا سعود إيه سعود0
رد الضابط وقال تفضلوا معاي في غرفة الدكتور0
وراحوا للغرفة وقالهم الدكتور انه في غيبوبة من قبل كم يوم لتعرضه الضربة اغلب إنها لوح خشب على رأسه فقد فيها وعيه ولأنه ظل فترة طويلة مرمي عرضته إلي نزيف وهذا النزيف هو إللي مسبب حالة الإغماء إللي عليها الآن بس كل ماله حالته تتحسن
الضابط بدر: طيب دكتور تقدر تحدد من متى الضربه ذي يعني أي ساعة بالضبط
رد والله صعبه بس هو وصل عندنا هنا تقريبا الساعة 11 أو 12 الظهر وباين من وقت وصوله إن الضربة كملت 12 الى 15 ساعة تقريبا
ايوه يعني أنقول ممكن على الساعة تسعه أو عشر كذا
الدكتور تقريبا بفرق ساعه أو ساعتين
ايوه طيب يا دكتور متى ممكن يصحى من الغيبوبة لجل نستجوبه
والله مقدر احدد لكن أول ما يصحى راح أعطيك خبر على طول بس نبي دام ان تعرفتوا عليه تعطونا بياناته لجل أنسجلها في أوراق المستشفى
رد العم أبوصالح: إيه يابوك إللي تبيه من بيانات أنا حاضر فيه
الدكتور لا مو مستهله هي بس اسمه وبينات هويته
هنا مساعد قال: يا حضرة الضابط أنا موفاهم شي يعني شنو مقصود بكلام الدكتور
رد العم أبو صالح المقصود يا مساعد ان سعود بعد ماطلع من عندي على الساعة 9 ونص تقريبا احد تعرض له واللي ضربه شاله وقطه عند الري وسرق مفاتيح المحل ودخل المحل وسرق إللي فيه لجل يلبس التهمه واضحة وضوح الشمس
الضابط بدر هههههههههههههههههه
نظرياً صح بس عملياً في اعتبارات لأمور ثانيه ان يكون إللي صاير هو نتيجة عدم اتفاق بينه وبين شريكه إللي سرق المحل أو اختلفوا على نصيب كل واحد في السرقة عموما لحد ما يقوم وقتها بنعرف منه حقيقة الموضوع ويعطيكم العافية أتعبتكم معاي0

ورجع أبو صالح مع مساعد إلى الحارة وبجد كانت الفرحة كبيرة لأن حس إن نظرته في سعود ما خابت رغم كلام المحقق بدر
و يوم رجع أبو صالح للبيت قال لمها عن إللي حصل اليوم أما أمل من بعد إللي صار كله في دارها ودمعتها على خدها يوم درت مها طارت الغرفة أمل وقالت لها الخبر أمل وقتها انهارت أكثير طالعت فيها مها وقالت لها
أمووول ليه تبكين أنا قلت الحين بطيرين من الفرحة تبكين
ابكي على حظي من إنسان متهم بالسرقة إلى إنسان على سرير الموت
شتقولين انتي من إللي على سرير الموت كلها كم يوم ويقوم وقتها بنعرف الحقيقة كلها يالله قومي توضي وصلي وادعي إن الله يكشف الغم هذا كله عن صدرك
ظل سعود تقريبا أسبوعين على هذا الحال والعم أبو صالح كل 3 أيام إلى 4 أيام يمر المستشفى له حتى مساعد من وقت للثاني يزوره مع فايز وعبد الرزاق والغريبة إن حتى صالح زاره تقول المصيبة ذي شالت كل مافي النفوس رغم إن لحد الآن مو متأكدين إذا له دخل في موضوع السرقة ولا لا،، وبعد الأسبوعين دق الدكتور على المحقق بدر وقاله: هلا حضرة الضابط تقدر تجي تستجوب سعود بأي وقت بس مو اليوم من بكره لأن صحته ضعيفة الآن ومحتاج راحة وتغذيه
الظابط بدر: أهم شي انه قام من الغيبوبة يا دكتور من الآن إلى بكره امنع أي زيارة له لحد ما نستجوبه وأنا من عندي كم حرس للمستشفى يخلون واحد عند باب الغرفة0
وثاني يوم وصل الضابط بدر إلى سعود وقاله:
الحمد لله على سلامتك اخوي سعود معك المحقق بدر
سعود بكل الم ويون آآآآه الله يسلمك يا حضرة الضابط آآآآآآآآآه
اخوي سعود أنا ما ودي أثقل عليك بس تقدر تقولي شنو صار معك من بعد ما طلعت من بيت العم أبو صالح الين ما صحيت في المستشفى
سعود آآآآآآآآآآآآآآآه انا مو فاكر شنو صار إللي افتكره إني طلعت من بيت العم ابو صالح ووصلت في الشارع إللي فيه شقتي ولا سمعت واحد ينادي سعود التفت وشوف اثنين قدامي واحد منهم كان رافع نبوت وضربني على راسي ومن وقتها مدري شنو صار لي غير إني فتحت عيني لقيت نفسي هنا
ايوه طيب يا سعود ماتعرف أوصافهم أو أي شي عنهم يقدر يدلنا عليهم
سعود لا يا حضرة الضابط كانوا متلثمين بس إللي التفت عليه مو متأكد بس كان في شق أو جرح جاي من فوق عينه اليسار ونازل على خده وما قدرت أركز أكثر من كذا ما أتذكر شي اوووووووووه يالله
زين سعود تتوقع من له مصلحة انه يسوى لك كذا أنت لك أعداء وشاك في احد
ابد طال عمرك أنا طول عمري مسالم ولا لي أعداء من البيت إلى العمل والمسجد بس شكلهم حراميه بس شيبون في واحد منتف مثلي مدري آآآآآآآآآآآآآآآآآآه
بدر: هههههههههههههه حتى وأنت تعبان دمك خفيف مو مشكله اخوي سعود أنت إذا تذكرت أي شي بلغني لان محل العم أبو صالح أنسرق وكنت مشتبه فيه بسبب اختفاءك قبل السرقة على طول عموما
إحنا من ناحيتنا ما راح نسكت على الموضوع وبالنسبة للأوصاف هذي لو قدرنا نستدل على احد مقارب راح نعرضهم عليك
وألف لا باس عليك وتقدر توقع على المحضر أو تبصم
سعود لا أنا أفك الخط وعرف أوقع
طبعا الضابط بلغ أبو صالح ان سعود قام بالسلامة وعلى وقت الزيارة الكل راح له ودخلوا عليه
الحمد لله على سلامتك يا ولدي ألف لا باس عليك خطاك الشر
الله يسلمك ياعمي
سعود ألف الحمد لله على سلامتك هذا مساعد وعبد الرزاق وفايز
الله يسلمكم والله جيتكم لي حسستني ان عندي أهل يسالون عني
افا عليك أنت ولدنا وعزيز على الكل يا ولدي الإنسان الطيب تبان معزته وقت الشدايد وانت طيب
مساعد إيه يا سعود والله ما عرفت قيمتك غير في الفترة إللي غبت فيها حسيت شنو كنت إنسان شهم سعود أبي اقولك موضوع مطير النوم من عيني
العم أبو صالح قال: مو وقته يا مساعد بكره لاطلع من المستشفى الوقت كله عندك الآن خلوه يرتاح ولاحقين على السوالف
رد سعود: يعلم الله يا مساعد إني عمري ما شلت بقلبي عليك شي وبالعكس جيتك هذي حتى لو في القلب شي طاح
كفو يا الأصيل بس الآن نترخص لجل ترتاح ونشوف بالمرة الدكتور متى يقدر يكتب لك خروج ولا ارتحت على الجلسة هنا ههههههههههههههههه

وجلسوا شوي وبعد كذا راحوا للدكتور وقالهم خلال يومين يقدر يطلع لان الحالة مستقره جداً وما فيه أي خوف على حالته وعدو اليومين وطلع سعود وكان معه مساعد وفايز والعم أبو صالح جايين بسيارة العم أبو حمد البقال وخذو سعود إلى الحارة هناك صار خلاف كبير بينهم على موضوع سعود والخلاف كان بين فايز ومساعد وعبدالرزاق والعم بو صالح


وطبعا انتو كذا يكون عرفتوا ان سعود راح غدر ولا له يد بالسرقة

بس من إللي غدر فيه وسرق المحل وشنو الخلاف إللي صار بعد ما رجع سعود الحارة

هذا إللي بنعرفه في

الجزء الثالث

[المصرقع الكبير]

بعد فيه جزء ثالث الله يرجك
ناوي تمشورنا كل يوم على قصم القصص
خخخخخخخخخـ

[احساس مرهف]

راااااااااااائعة جداً كروعة حضورك

ننتظر الجزء الثالث بشغف

ولك تحياتي

[نور القمر]

يا سلام عليك

.. بس كأنك زودتها بهالاجزاء .. عطنا اياها كاملة وريحنا


يسلموو يديك


تحياتي

[احساس مرهف]

smilies 33
smilies 99
يعطيك العافية اخوي مجموعة انسان
وربي ابداع
smilies 72
smilies 41
وانا جالسه هنا الى ما تنزل الجزء الجديد

احساس مرهف

[خطاب]

هي انت مــن وين تجيـب القـصــص الحلـووه



يعطيــك العــأفيـه وانشــأء اله نشـوف جـديـدك


اخـوكم الخطــأبـ ((×××((:::::::::::::::::::::::> السيــف لي العـــأصـي

[مجموعةإنسآنـ]

اعتذر في تأخري بطرح الجزء الثالث


قريباً سوف انتهي منه ويعطيكم العافيه

[Ṃ̶̮Ṩ.sσσм]

هع احسن على حظي

لازم اشوفهاا قبلكم

[مجموعةإنسآنـ]

ابشري خلال

اسبوع راح اكملها

هع انتي يا هع سلام

[الفــدرالــي!]

اخوي مجموعة انسان


ممكن سؤال بس؟



القصه هذي واقعيه ولافكر ممزوج بالخيال يامبدع؟



صراحه قصه روعه بمعنى الكلمه


وقليل الشكر على مجهودك الرائع يالغالي



ولاتحرمنا من قلمك في ثورة الابداع


وننتظر الجزء الثالث
.
.

.

.

.


.



وجود شخص مثلك بيننا فخر للمنتدى




تقبل فائق احترامي وتقديري

اخوكـ الفدرالي!

[مجموعةإنسآنـ]

هلا بكل من حظر


وهلا فيك اخوي الفدرالي


لا والله هي من خيالي


لكن احداثها قريبه من الوقع


من دمج بعض القصصه وستخلاص منها


الفكر للوصول الى الغايه من الطرح


وهي ان اقدم ماينال رضاكم


واليكم الجزء الثالث بعد لحظات

[مجموعةإنسآنـ]

الطريق المجهول

الجزء الثالث

طبعا بعد ما وصلوا الجماعة إلى الحارة مع سعود قلنا أن صار خلاف بين فايز ومساعد عبدالرزاق والعم ابوصالح عن الفترة إلي المفروض أن سعود يريح فيها بعد ما طلع من المستشفى وكل واحد يبي يأخذ سعود بيته لان حاس انه صاحب الأحقية فيه وفي الأخير إلي حسم الأمر سعود نفسه يوم قال لهم يا جماعه والله انتو ملكتوني بكرمكم بس أنا بعد إذنكم أبي اجلس عند فايز يعني كل واحد منكم إلي عنده بنت أو أخت أو زوجه وفي الحالة ذي بتكون حركتي مقيده شوي غير كلام الناس والشيطان شاطر أما فايز ما عنده غير أمه والحرمة كبيرة في السن وحسبت أمي منها اونسها ومنها أكون على راحتي أكثر
رد عليه العم أبو صالح غلبنا بالنقطة ذي على راحتك يا ولدي بس غداك اليوم علي يا عبدالرزاق روح شوف لنا خروف يكون راهي بس ليكون زيك رأسه يابس ونتوهق فيه هههههههههههه
ومر البيت وقول لخالتك أم صالح تجهز الغداء والكل معزوم اليوم عندي
ابشر يا عمي بجيب لك خروف شروات مساعد هههههههههههه
لا عزة الله جانا تسمم اليوم هههههههههههه
يالله أترخص الحين ونخلي سعود يرتاح شوي وموعدنا بعد الصلاة وإذا حاس انك تعبان ابد أنجيب الغداء لعندك ولا يصير خاطرك إلا طيب
سعود: والله يا عمي خيرك على راسي من فوق لا خلا ولا عدم والله يخليك ذخر لنا

وراح سعود مع فايز لجل يريح في البيت عنده وفي هذا الوقت كان أبو خليل وخليل يراقبون من بعيد قام بوخليل وقال بطريقه ساخرة شوي خليلوه مو المفروض نروح ونقوم بالواجب ونتحمد بسلامه لسعود رد خليل هههههههههههه وأنت صاج يا يبه وأنت أكثر من يعرف الأصول
اجل قوم معاي يا حمود يا مزيد تعالوا معي

وراح أبو خليل والشر في عيونه مع الشلة إلي معه من عماله لدكان ابوصالح وقال السلام عليكم ورحمة الله وبركاته
رد ابوصالح والكل ساكت ومندهش شيبي جاي وقال
وعليكم السلام ورحمة الله وبركاته
ها بوخليل أشوفك مشرفنا اليوم مو العادة خير رد وقال لا بس قلت أجي أتحمد لسعود على سلامته وشوف امسكوا الحرامي ولا عاده مو معروف مع انه قدم عيونكم رد ابوصالح
اشتقصد بكلامك؟؟؟؟
لا مقصد شي بس كنه مساعد يعرف الحرامي ولا
رد مساعد أظاهر انك نأوي على الشر وإذا ضنك بتتحاما بالخمه إلي معاك فأنت غلطان وأنا سمعتي ويدي أنظف من وجهك ولولا الحشيمه للعم ابوصالح كن رديت عليك برد ثاني ابوخليل لا بالله خوش حشيمه رد خليل أقول ما بقا غير الصبيان يردون على أسيادهم لكن مقيوله ( قالو الفرعون من فرعنك قال ما لقيت احد يردني )
لا أظاهر أنت ما ينفع معك الكلام ويرفع مساعد عصا طولها متر ونص وعرضها خمس سم لو طاحت على راس خليل أبطحته ولا بصرخة ابوصالح بس وكل واحد يلزم مكانه
شوف يا بوخليل أنت تعرف إني ما أدور المشاكل وأسلوب ألعصبه هذا محبه بس والله وبالله الكريم لو ما لزمت حدك وتوكلت مكانك لأوريك وجه ابوصالح الثاني إلي ماقد عرفته ولا ضني لو شافته عينك بتعرف النوم بعدها رد بوخليل خوش والله وطلع للقطاوه ألسان رد مساعد لا أنت مصختها ويرفع العصا إلا بجيت الشرطة على صوتهم ويدخل الرقيب سعد خير خير خير شها لصراخ والنجره صوتكم لأخر السوق رد بوخليل لا ابد ماشي تدري هذا عتاب الاحبه رد مساعد أي أحبه يا رقيب سعد هذا الرجال وقاطعه ابوصالح: مساعد؟
ويسكت ورد عنه زى ما قالك يا ولدي يا سعد هذا عتاب الأحبة وما فيه شي خير اجل يالله أشوف خلص عتاب الأحبة يا بوخليل ولا بعده بوخليل ها لا اقصد إيه ابد سلامة عمرك
إيه اجل يالله أشوف كل واحد يتوكل مكانه ويشوف أكل عيشه أشوف
وتوكل بوخليل وناظر نظرات كلها شر وحقد وكنه يقول خير هذي البداية الجاي أكثر ويوم مشى رد مساعد على عمه وقال ليه ما علمت الرقيب سعد لجل يأخذه ويكتب عليه تعهد بعدم التعرض للمحل مره ثانيه يا ولدي يا مساعد الحافظ الله سبحانه وتعالى وإحنا راس مالنا سمعتنا ما ودنا بعد العمر هذا نتهاوش مع فلان وعلان ونروح مخافر وغيره إيه يا عمي بس هذا أمبيت شر لنا ولازم يرتعد ويوقف عند حده
مو وقته عاده ماجا الوقت المناسب وهذي يا ولدي حسابات مجمعه عليه ولابد يوم يسددها قريب ولا بعيد إذا بيدنا ولا من عنده سبحانه يفكنا منه ومن شره يالله يا ولدي كمل شغلك لجل نلحق أنتجمل مع الجماعة اليوم إيه ابشر يا عمي

يوم رجع أبو خليل الدكان بعد كان الشر راكبه ومن دخل المحل وهو يروح ويجي يفكر شلون يطفي النار إلي في صدره شوي والتفت وصرخ خليلوه اسمع تغطس وتقب ومعك عبيدان من تحت الأرض مفهوم ابشر ابشر يا بوخلي
هين هين يا حارة الفقر أنا أوريكم شلون يا حمود ناد لي كاتب العقار خليه يجي عندي بعد صلاة العصر يالله زتك يالله ابشر يا عمي
مزيد امسك طلع حجج البيوت إلي في التجوري كلها هين يا حارة الفقر إما بيعتكم ثيابكم ما كون أبو خليل وبالقانون ومن لديه ألحيله فل يحتال يا أبو صالح ورني شلون بتوقفني المرة هاذي وبالقانون عدل عدل وهذا العدل؟؟؟؟ هههههههههههههههههههههههههههه
وبالفعل كل واحد منهم سوى إلي قال عليه أبو خليل وأذن الظهر وقفلوا المحل وقتها خذ أبو خليل حجج البيوت معه للبيت لجل يتفحصها مع حمود لان حمود هو الوحيد إلي يفك الخط من صبيانه ويده اليمين في المحل خلاف ولده خليل وجلس يخطط وهو يدرس ويشوف لحد ما تعمرة الفكرة في رأسه صح وما بقا عير التنفيذ بس وجيت الكاتب لجل يستشيره عن الإجراءات في العصر بعد ما رد حمود وأكد له انه راح يمر عليه بعد صلاة العصر !

أما عبد الرزاق راح اشترى إلي وصاه عمه من لوازم ووداها البيت وقل المها إذا فيه أي شي ناقص قولي وأجيبه الحين ردت وقالت لا ابد كل شي موجود مو ناقصنا شي بس ما قال أبوي متى بجون الجماعة رد وقال بعد صلاة الظهر إيه خلاص ودخلت على أمل غرفتها وتصرخ فيها أنتي ما تستحين على وجهك شكبرك ما تعرفين تطبخين استغربت أمل وقالت شفيك سلامات داخله فيني ردي علي تعرفين تطبخين ولا لا قالت أمل شرايك يعني طالعت فيها مها بخبث وقالت اجل قومي فيه ذبيحة جابها عبدالرزاق فيه ناس بجون على الغداء قومي اطبخيها وأنا بكمل باقي الشغل ردت أمل لا والله وليه يعني ما تطبخينها إنتي مو إنتي الكبيرة طالعتها مها وقالت إيه بس خبري حبيب القلب سعود بيفرح أكثر لو عرف إن الأكل هذا من يدك طالعت أمل وقالت شنو سعود قصدك سعود طلع وبتغداء عندنا اليوم ونقزي تقول قارصها عقرب وطيري على المطبخ مو عارفه شنو تبداء فيه وشنو تخلي ومها ميتة ضحك عليها
وكان ترد عليها أقول أمول على حالتك ذي بأذن المغرب ولا خلص شي تركدي الثقل زين نعنبو غداء شلون لو جاي يطلب يدك ويطيح الصحن من أمل وتسرح وحمر الوجه يطلب يدي يطلب يدي وضحكي يا مها بذيك الضحكة هههههههههههه
وطالعتها أمل وقالت لها شوفي يا تشتغلين وإنتي ساكتة يا تطلعين واتفكيني من شرك ردة مها زين زين سكتنا يا لله لا يسرقنا الوقت

[مجموعةإنسآنـ]

أما سعود راح مع فايز البيت وعلى طول تسبح وغير ملابسه وريح في المقلط مع فايز وجلس يأخذ منه الأخبار عن الفترة إلي غابها عن الفريج وسالف له ومع السوالف قاله ضج سعود أمل بنت العم بو صالح توصلك السلام
رد سعود ها أنت شفتها إيه كانت ماره على الوالدة قبل كم يوم وسألت عنك وعلى فكره مو أول مره توصل السلام وتسأل شسالفه وبتسم سعود وقاله عن السالفة قبل ما يصير له الحادث والي صار بينهم وجلس يسوالف له وفايز منبهر في كلامه وحاس انه كنه في عالم الأحلام من كثر ما كان سعود رومنسي في وصفة وتعبيره عن مشاعره.
ورد فايز
يالله عليـــــــــــــــــــك
بجد أنا دخت ههههههههههههههههه
وفي هذي الفترة كانت الأجواء داخله على موسم الشتاء وبسبب التعب والإرهاق كان فايز يقول لسعود خلاص أنت ارتاح وأنا أروح أجيب لك الغداء لين عندك رد عليه سعود لا يا فايز ما صير أرد عمي أبو صالح وهو مسوي كل هذا لجلي لازم أروح لو أجامل ألين الغداء وستأذن
يالله عليـــــك طيب ولو إن شكلها حبيبة القلب وحشتك وتعلث بالغدوه يا لله اجل خل أنتوكل على الله طبعا المقصد انه كان مشتاق الأمل وكان وده يشوفها لو من بعيد المهم بعد الصلاة كلهم تجمعوا أبو احمد أبو على وباقي الشباب في بيت العم ابوصالح وشوي إلى سعود جاي مع فايز ويوم دخل التفت صوب المطبخ يبي يلمح لو ظل أمل بس أمل ما كنت متوقعه انه هو إلي عند الباب وكانت مشغولة في الطبخ وفرحانة انه بياكل من يدها المهم دخل وجلس وأخذتهم السوالف من موضوع الموضوع مافيه نص ساعة إلا الغداء خالص ونشبوه وبعد الغداء بشوي سعود استأذن لجل يريح لأنه حاس انه بداء يحس بالتعب المهم قام صالح معه يوصله رد فايز ارتاح يا صالح أنا مو غريب وبروح معه ووصله للبيت وقعد معه وأكرمكم الله وخيركم سابق.

وبالفعل طلع وهو طالع تنحنح بصوت عالي إلا بطلعة أمل من المطبخ وتناظره إلا قربت منه وقالت له حمد لله على سلامتك يا سعود ألف لا باس عليك رد وعليك يا غالية اشتقت لك وطول الفترة الماضية وإنتي على البال وفي القلب ومكان (الروح)
رد عليه فايز قال طيب يا لله قبل لأحد يطلع (أروح)
زين أمل أنا في بيت خالتي أم فايز سيري إذا قدرتي
أمل خلاص (بحاول)
فايز (حاول) تمشي الحين لا نتوهق
طيب ماشي اسلم عليك
وعليك سلام الله
فايز يالله عليـــــــــــــــــكم امش
وطلع وظلت أمل مستنده على الباب حول عشر دقا يق ها يمه في عالمها ولا بدقة الباب
طخ طخ طخ طخ
وقومي اركضي على المطبخ ولا بطلعت صالح جاك جاك وأمل اطل تبي تشوف مين إلي جاي إلا ناصر ومعه ضيف طبعا ناصر هذا يصير ولد خال صالح وخطيب مها والي معه صاحبه في الدراسة تو واصلين من الرياض وجايين مخصوص يسلمون على العم أبو صالح وجات بضروفها ألغدوه وجمعة الجماعة كلها
ويوم صالح شافه كان يصرخ يه يه يه هلا والله وغلا بالنسيب لا ما صدق شنو ها ليوم إلي مجمع كل الغاليين حياك اقلط رد ناصر هلا فيك وفي ريحة الحبايب هذا رفيجي راشد جاي معاي وحاب يقابل عمي سلمان (إلي هو العم أبو صالح) إيه حياكم ويدخل صالح وقتها الجماعة تو متغدين ومريحين على الأخر وقلطهم صالح في الفترة هذي طيري يا أمل حق مها وقالت لها مهووووووو عندي لك خبر بطير راسك من فوق بس تعطيني حبه على راسي وتغسلين كل المواعين فوقها بعد
ردت مها عشتوا يا عيني وإذا الخبر ما يسوى بأكلك المواعين مع الصابون فهمتي ردت أمل وإذا يسوى ناظرتها مها وقالت: أسوي إلي تبينه وأمري لله مع أن وجهك من عرفته ما شفت منه خبر يرد الروح قولي ؟؟

طيب يا مهوي ناصر تو رد من الرياض وهو الحين عند أبوي في المقلط
ردت مها: يا ها لسعود درينا ما يسوى علينا وبعدين وسكتت وتنحت ؟؟؟؟؟؟؟ هاااااااااااااااه
شنو قلتي ناصر عند أبوي في المقلط بذمتك
ناصر ناصر ناصر عند أبوي
ردة أمل إيه ومعه رجال وتو داخلين عنده
ونقزي وروحي عند المقلط تشوف صدق ولا لا إلى أشوف ناصر ويسلم على الجماعة ويجلس جنب عمه وبعد السلام قال ناصر العمه أنا جايب لك هديه معاي راح تفرح فيها يا عمي ما تتوقعها ولا بالأحلام
قال العم أبو صالح أكيد خلصت الدراسة وتوفقت فيها إيه يا عمي بس مو هذي الهدية الهدية إلي جايبها لك وبجود الحاظرين أغلا بكثير وأحلا طالع فيه العم أبو أحمد قاله ليكون جايب له عروس هههههههههههه
رد أبوعلي خوش ونسوي عرسك يا ناصر أنت ويا ابوصالح في يوم واحد هههههههههههه
والله يا عمي منت مصدق لو قلت لك أنها أغلا من العروس بكثير طالع فيه العم ابوصالح وقاله؟
ها تحشى وأنا عمك شوقتني أشوف الهدية الخرافية هذى رد عليه وقاله هذي هديتي يا عمي واشر على راشد
ابتسم العم مع الحاظرين ابتسامه فيها تعجب وقال والله ونعم فيها من هديه وأنا عمك وهو مو فاهم شسالفه كان يقوم راشد ويجلس قدامه وقاله الهدية يا عمي أني شفتك قدامي يالغالي وباس رأسه طالع فيه العم وقاله يا ولدي أنا مو فاهم شي أنت منو رد عليه ناصر وقاله هذا راشد يا عمي راشد ولد أخوك عبدالعزيز!
هاااااااااااااااااااااااا
إيه يا عمي أنا راشد ولد أخوك إلي تمنى شوفتك من عرف انه له عم بالدنيا وقوم يا أبو صالح ويأخذه بحظنه وهو يصرخ بدمعة حنين ويقول هل في الغالي ولد الغالي آآآآآآآآآآآآآآآآآآآآه
يا عبدالعزيز يا خوي ليت عيني تتكحل بشوفتك مثل متكحلة بشوفة ولدك
قريب إن شاء الله يا عمي وسلم على صالح وقاله يا مبقية إني أقول هلا بولد عمي في يوم هههههههههههه
وجلس جنب عمه وقام يسوالف معه عن أخوه والدنيا وصار فيها معه رد عليه وقاله إيه يا عمي راح أقولك كل شي في وقته بس خلني افرح بشوفتك وشوفت أعيال عمي يا حياك وأنا عمك بس قولي اخوي شلونه بخير ليكون فيه شي طمن قلبي الله يطمنك
ابد لا تحاتي أبوي بخير وصحة وعافيه مافيه شي ابد
الله يريح قلبك وهذي والله ابركها من ساعة اشهد بالله يا ناصر أنها أغلا هدية هههههههههههه
وجلسوا ألين قبل صلاة العصر وبطلعة الجماعة قال ابواحمد يا ولدي العشاء اليوم عندنا برجعتك ورجعت راشد الغالي ولد الغالي رد ابوصالح يعني وتقومون في واجب عيالي قبلي لا ابد العشاء هم عندي رد بوعلي يا ابوصالح ملينا من بيتك خلنا أنغير اشوي هههههههههههههه
قال ابوصالح من الحين ألين بعد صلاة العصر يصير خير خلوهم الحين يريحون ونشوف بعدين وبعد ما طلعوا الجماعة قال راشد ودي أشوف عمتي وبنات عمي يا عمي وأتعرف عليهم رد ناصر إيه يا عمي ودي اعرفهم عليم رد صالح يتعرفون عليه ولا مشتاق حق مهووووووي هااااه هههههههههه
صالح
سم يوبه
تركد
إيه ابشر يوبه
هههههههههههههه
وراح صالح يبلغهم لجل يسلموا على ولد عمهم لكن الخبر أصبح قديم لان مها كانت واقفة لجل تشوف ناصر وسمعة السالفة كلها وراحت بلغة أمها ويا أمل كانوا يستنوا طلعة الضيوف لجل يسلمون على ولد عمهم وبالفعل يوم ناداهم صالح ادخلوا وسلم عليهم وقل عمه هذي يا ولدي يا راشد عمتك أم صالح وهذي بنتي مها وهذي بنتي الصغيرة أمل رد صالح ما شاء الله بصراحة ناصر أظلمك كثير يا بنت عمي ردت ها شلون قال انك مثل القمر بس بصراحة طلعتي أحلا من القمر وبواجد ههههههههههههههه ولا يحمر وجهها ورد ناصر وقال له حسبي الله على إبليسك يا راشد ما تبطل سوالفك قالت مها بصراحة مو مصدقه أن ولد عمي في بيتنا يا لله بجد إحساس مره ما ينوصف وردت عليها أمل وقالت إيه والله يا أختي إلا يا سعود قصدي راشد طالع ناصر من سعود!!!!
ورتبكت ومعرفة شتقول ؟؟؟؟
رد صالح ها لا ذي سالفة طويلة بعدين وسوالف لك عنها.
رد ناصر عاد أنا استأذن بروح اسلم على الأهل ونتقابل بعد الصلاة حلو.

[مجموعةإنسآنـ]

المهم العصر على وشك أنصلي وبعد الصلاة نجلس يا ولد عمي وتعلمني عن كل شي ابشري الغالي يا ولد الغالي رد ابوصالح حلو اجل يالله نتوكل وبعد الصلاة إن مر المحل ونجلس على راحتنا شوي ابشر يا عمي يا لله يا عمتي وبنات عمي من رخصتكم وسلم عليهم وطلعوا والفرحة شايله ابوصالح بالحيل في الوقت هذا قالت مها الأمل شنو إلي سويتيه شلون تغلطين بسم سعود قدام الجميع وقدام ولد عمك إلي تو يشوفك الله يستر شكل ها لغلطه مراح تعدي أمل يوووووه شدراني مدري ليه جاء في بالي سعود وقتها الله يستر الله يستر إلا بدخلة أم صالح مها نعم يمه طلعي وصكي الباب وراك ها إيه حاظر

أمل تعالي جنبي أبيك بكلمتين ها إيه يمه شوفي يا أمل لا تضنين إني ساكتة قلتي أمي مدمغه ومو عارف شي لا أنا عارفه وشايفه من أول يوم سعود جاء يتعشاء عندنا بس ساكتة لان الولد شهم وقلت أكيد إذا في باله شي بدق الباب ويطلب يدك من أبوك وصار إلي صار ولا حول ولا قوة والحين رد وبعدين أخرتها يا بنت بطني أنا عارف انك عاقل ومستحيل تطلع منك ألعيبه بس المواضيع هذي يا يمه المفروض ما طول هي كلمة ورد غطاها تبيني اطلبني من أهلي وإذا قالك ما وما ما قولي أمي واقفة معي وراح تساعدنا يعني مالك حجه وقتها لو يبيك ما راح يتردد ولو يلعب فيك بنعرف حقيقته وقتها أنا إلي بأخذ حقك منه فهمتي وصلي إلي قلته له والباقي خليه علي طالعة أمل في أمها وكنها أول مره تعرفها مو مصدقة أن أمها بالعقل والحنيه ذي كلها ومعرفة شترد غير أنها لمتها وقالت لها الله لا يحرمني منك ويخليك تاج على راسي دوم وحبتها برأسها وقامة وقالت الله يسعدك ويكتب لك أنتي وأختك وأخوك الخير يارب يا لله يا بنيتي قومي خلي أنخلص شغلنا ولا أشوفك تخطين مره ثانيه بسم أي احد المرة ذي عدت المرة الجايه الله يستر وش راح يصير فهمتي يا لله.

إذن العصر وكل واحد راح يشوف رزقه وترك فايز سعود وقاله الوالدة موجودة ومو مقصرة بشي.
أي شي تعتازه ابد لا يردك إلا السانك مو تقول مساكين على قد حالهم ومآبي أثقل عليهم ها ازعل منك
حشا يا فايز رايتك بيضاء والله إني أعدك رفيج و(أخ) غالي على
(أخ) عليك أنت وعلى كلامك الحلو؟
يالله عليـــــــــــك سعوودوه إذا أنا على ها لكلام حبيتك شلون أمول هههههههههههههههههه حسبي الله على إبليسك يا فيووز هههههههههه.

وعلى العصر راح صالح وأبوه ولد عمه المحل وجلسوا هناك واخذ يتفرج على المحل والشغل وجلس أبو صالح يسال عن أبوه وشغله وقاله بس يا ولدي أنت ما قلت لي اخوي الله يحفظه من عنده غيرك رد وقاله إحنا يا عمي خمس إخوان ثلاث بنات وولدين أنا واخوي صقر خواتي بنتين تزوجوا وحده من ولد عمتي احمد وشغال في التجارة ووحده أزوجة رقيب أول في الحرس والثالثة إلي هي سويره هذي أخر العنقود جالسه بالبيت إيه وخوك صقر اخوي صقر هذا قصته قصه يبيلها جلسة بروحها.

وفي نفس الوقت هذا جاء الكاتب حق أبو خليل وجلس قاله أبو خليل شوف يا بوبدر المثل يقول يا بخت من نفع وستنفع حلو
حلو يا بوخليل وأنا بشوفة أمر
اجل سم هذي صكوك ملكيه شي لي وشي وارثة من الولد أبي تثمنها كلها وشوف كم تسوى وترد لي خبر هذي صور منها لجل تعرف أماكنها ومساحتها شي منها في حينا وشي منها في إحياء ثانيه وترد لي خبر بسرع وقت وكل ماكان الوقت أسرع والثمن واغلا زادت عمولتك حلو
حلو اعتمد بس ليه نأوي تبيعها كلها
هذا مو شغلك أنت سوى إلي قلت لك عليه وعن البربره وشوف يا بوبدر إلي دار بيني وبينك مابي احد يدري عنه مفهوم
صار يابو خليل وبجيك الإخبار الطيبة قريب أترخص فمان الله
حياك وزى ما وصيتك الله الله
ويدخل خليل هلكان حيله ها شفيك
هلا اصبر بس اخذ نفس
وين عبيدان حصلته ولا لا
لا عبيدان ترك ألديره وهج ومحد عارف وين الراضية
شلون أنا كنت حاس انه مو كفو لأكن هين وين بروح مردة بطيح في يدي هين ؟

تتوقعون شنو نأوي عليه أبو خليل

وشنو سالفة راشد وجيته بعد الغيبة هذي كلها العمه

وسعود بيتقدم الأمل ولا لا لو واجهته

كل هذا راح أنعرفه في الجزء الرابع

[الفــدرالــي!]

اخوي مج مج


لاترفع ضغطي


ابغاها مره وحده كل مااتحمس الواحد تقوله انتظر جزء ياخي حرام عليك


بس صراحه اظهرت بهذه القصه ماتملكه من فكر نير وراقي


وثقافه عاليه


الى الامام يامبدع................


ننتظر الجزء الرابع


تقبل فائق احترامي وتقديري

اخوكــ الفدرالي!

[مجموعةإنسآنـ]

والله اخوي الفدرالي

انها مو مكتوبه اني بجلس وتعمق في فكري وخيالي وكتب

وعدل وغير يعني لجل كذا بتاخر اشوي لاني ابي اتعمق بشكل

يظهر شي اكثر قيمه من ما طرح بس صبركم علي وفي الاخير

اذا خلصت راح اجمعها كلها في موضوع واحد بدون اي فواصل

بس الان ننتظر قليلا وسوف بعد ذلك نواصل يحبي لكم

وشاكر لكم هذا الدعم بجد رفعتوا معنوياتي شوي اخس محد قدي

[رماد الذكريات]

راااائــــع ،،

يعطيك الف عااافيه ،،،

نستنا التكمله ،،،

تحياتي ،،

[المصرقع الكبير]

انا بمووت من القهر

كل ما اتبع معك شوي

تقولي ترقبونا بالجزء الي بعده لين متى طيب !!!

[احساس مرهف]

يالمتحمسين هههههههههههه
ضروري يكون فيه أسلوب التشويق في القصة
ماعليه انتظروا شوي وبتكمل smilies 79


مجموعة منتظرين باقي القصة smilies 65
الله يعطيك العافية
ولك ودي

[الابداع الحر]

http://www.al7rr.com/vb/images/ehdaa_smilies/eh_s(9).gif

http://www.al7rr.com/vb/images/ehdaa_smilies/eh_s(9).gif



مـجـموعة إنـسـان مـاراح أقـرأ الـقـصـه حـتى تـنـزل الـجزء الأخيــر


تـعـلـقـنا مـعى الـقـصه وتـقـطـعـها مـالـدي داعي


هههههههههههههههااي



أنا انسان ماعندي صـبر بصراحه وينحرق دمي بسرعه smilies 53


لي رجعه بعد ما اشووفك نزلت الـجزء الأخيـر

[ليال]

بسم الله الرحمن الرحيم ,,

بارك الله فيك اخي على القصه بس ياريت تنزلها كامله لان كل مانزلت جزء يبي لينا نعيد قرأتها من البدايه مره ثانيه هع >>> من النوع الا انسى بسرعه ,,

عموما الف شكرا لك ,,

[مهرة]

مشكور اخوي مجموعة انسان على القصة الروعة
بس في كم ملاحظة
1* في اخطاء املائية بسيطة يليت تنتبه لها وانت تكتب .
2* يليت تكتب اسم اللي يتكلم يعني تكتب ابو صالح : .........
سعود : ........ وهكذا . يعني كل واحد يتكلم تحط كلامه في سطر لوحده
كذا راح تكون القصة مرتبه وسهله على القراء .
3* اعذرني بس من خلال القصص اللي انا اكتبها اكتسبت خبره
بهذي الطريقة ما يمل القارء وتكون للقصة اكبر عدد من القراء .
4* كمل القصة احنا ننتظر بشوق .

مهرة

[نور القمر]

يسلمك ربي اخوي مجموعة ع الجزء الثالث ...

وبانتظار الباقي ... ولا تتأخر علينا كثير


ســـــــــلام

[ملك روماااا]

يعطيك العافيه


بصراحه ماقريت القصه لكن حفظتها على المفضله وأن شاء الله أقراها عن قريب

[مهرة]

مديرنا متى بتكمل القصة وتريح قلوبنا
تعبنا من الانتظار

see you

[وهج المشاعر]

طرح جميل جدا جدا

[مجموعةإنسآنـ]

يا هلا بك اخوي


رماد الذكريات


قريب راح اطرح الجزء الرابع


ولا خلا ولا عدم

[مجموعةإنسآنـ]

يا هلا بك اخوي


المصرقع الكبير


قريب راح اطرح الجزء الرابع


ولا خلا ولا عدم

[مجموعةإنسآنـ]

يا هلا بك اختي


احساس مرهف



وبشري قريب راح اكمل القصة


ولا خلا ولا عدم

[مجموعةإنسآنـ]

يا هلا بك اخوي


al7rr



وبشر قريب راح اكمل القصة


ولا خلا ولا عدم

[مجموعةإنسآنـ]

يا هلا بك اختي


ليال


وبشري قريب راح اكمل القصة


ولا خلا ولا عدم

[مجموعةإنسآنـ]

يا هلا بك اختي


مهرة


وبشري قريب راح اكمل القصة


وملاحظاتك بتكون في عين الاعتبار


ولا خلا ولا عدم

[مجموعةإنسآنـ]

يا هلا بك اختي


نور القمر


وبشري قريب راح اكمل القصة


ولا خلا ولا عدم

[مجموعةإنسآنـ]

يا هلا بك اخوي


ملك روماااا


ولا خلا ولا عدم

[مجموعةإنسآنـ]

يا هلا بك اختي


مهرة


هههههههههههه


لشفتك اشاركي في المنتدى اخلصه هع


ولا خلا ولا عدم

[مجموعةإنسآنـ]

وحضورك اجمل


اخوي وهج المشاعر

اي جزء عجبك وليه ؟


ويا هلا بك زود

[مجموعةإنسآنـ]

الجزء الرابع والاخير قريباً


اعتذر للجميع عن التأخير الذي ورد

اعلم انها فتره طويله

ولكن بإذن الله سوف يطرح

الجزء الرابع والاخير قريبا

تم الانتهاء الحمد لله من الفصل الاول

من الجزء الاخير والان سابدا بالثاني وبعده الفصل الثالث والاخير

ان شاء الله ربي يسهل الامور لكي اعود لكم بقلمي كما كان

المحب لكم مـ ج ـموعة إنـ س ـآنـ