بنت الامارات
07-Jun-2006, 11:31 PM
يا مَطوَل الليل يوم اتكون وحداني....... ويا مَضيَق النفس يوم ايغيب غاليها
ويا مصعب الدار دون اهلي وخلاّني...... ويا مَكرَه العيشة اللي عايشٍ فيها
لا فرق بين الفرح والعيد واحزاني......... حتى المعيشة تكَدّر طعم صافيها
ما تمّ لي من دياري غير الألحاني............. لي دايم أنشد قوافيها وأغنّيها
وين المكان الذي يحكي بما كاني............... والذكريات التي دايم أراعيها
حلمت بالبيت شفت النخل عطشاني......... والماي وديان يجري من حواليها
وحلمت بالسيح شفت السمر ولهاني......... والحرمل ايفوح من حرّة لواظيها
وحلمت بالأهل قالوا: وينك فلاني؟ ........... غرفَتْك للحين ماحد ساكنِ فيها
وعقب العصر أذن المغرب وناداني....... "الله أكبر" غروب الشمس يدعيها
الناس صَلّت وانا بالقاصي الداني....... إلحق تلاحق على فروضك تصلّيها
وين الجماعة و وين الربع واخواني؟......... وين الإمام الذي كَبّر ويبديها؟
أصحى من الحلم قبل ايثور بركاني............ وأعود قبل البدايه في تواليها
أنا وصلاتي وتسبيحي وقرآني.............. وتجاربٍ لازم الانسان يحويها
وسلامتكم
ويا مصعب الدار دون اهلي وخلاّني...... ويا مَكرَه العيشة اللي عايشٍ فيها
لا فرق بين الفرح والعيد واحزاني......... حتى المعيشة تكَدّر طعم صافيها
ما تمّ لي من دياري غير الألحاني............. لي دايم أنشد قوافيها وأغنّيها
وين المكان الذي يحكي بما كاني............... والذكريات التي دايم أراعيها
حلمت بالبيت شفت النخل عطشاني......... والماي وديان يجري من حواليها
وحلمت بالسيح شفت السمر ولهاني......... والحرمل ايفوح من حرّة لواظيها
وحلمت بالأهل قالوا: وينك فلاني؟ ........... غرفَتْك للحين ماحد ساكنِ فيها
وعقب العصر أذن المغرب وناداني....... "الله أكبر" غروب الشمس يدعيها
الناس صَلّت وانا بالقاصي الداني....... إلحق تلاحق على فروضك تصلّيها
وين الجماعة و وين الربع واخواني؟......... وين الإمام الذي كَبّر ويبديها؟
أصحى من الحلم قبل ايثور بركاني............ وأعود قبل البدايه في تواليها
أنا وصلاتي وتسبيحي وقرآني.............. وتجاربٍ لازم الانسان يحويها
وسلامتكم